- FOLI ZANJA BOBO MAJAKU -

 


Dantu mematu tela nagul saku wa sepa limaya, massu, ku bahabu... Tempu tempu iney bi ja ta wa ja ma soso, n'guixi bi jada odji sa lian n'guisi ja fatali asaje de ku jata mata, za pa n'gutukumel.

Tôtyiga se bi jakendê kú jók, jantu jossay dja tudu y ja djuni tadji. Wan pamasedu kun'gutu lanta se atoja ôgué djingwe tudu tyintyi laba, tádaxi n'gutudu v'la ôdatôtyiga, tadaxi sê fa jayfêf; sé apêxi, mindjí a ja nda jua passenguíxi fê josay pa pôma lidabél.

Anta ja fê pa tôtyíga ba djuni sêê ma wan faj'a, sê pê wan'gatyidêl pa n'guisi tenje limpazaja pêli ba bagal. Oxi djunimangu tudu se majaku lant'a se jomessa ja lontógô péngwê. Ta ku ôna dédê sê be ja ku totyiga ja tyabilin sê be pé ba limpa pé tôtyiga, tadaxí, taka bêl pamassedu xi sé a de ku ja mata se a me p'san se ngutud kumêl, fodexí se majaku foli zanja dé ja bôbô.

F I N


   


Este cuento está incluido en el libro " Cuentos Annoboneses de Guinea Ecuatorial" pag.(161), dentro de los cuentos en versiones en lengua Ambu, cuyos Autores son:

Jacint Creus -  Mª. Antònia Brunat.