- BALEA KU TUBLAN -

 


Wandjia balea bisaja danda dantu domali se da jonta ku tublan, namsedji se fa tublan gagaodji gavu, sêê tyini ba pongota balea:

- Waya balaya ja fê bo gantyi xi?

- Sê fali m'gantyi sí pa kê amse amdjipímelu, bo na ta bo bi fajonxif.

Se tublan fa lí:

- Amu m'saku vitandji pen kubo.

- Pobo saje kumu, bo sa je bé joxi m'saje febó: ta pen tyinka bavan, pobo faiay paban pén dê ôyôf.

Ambo taja balea ô ka ja tende fu s'pa dél té tu ja sêe ku zagueaku jadé pa ba dal, sé tublán na fê joxi balea falf, ta nangwé da balea sê sé n'gutu patyi, patyi pé liba domal, taku tublan ba bê jôhôyô sangui balea, sé bê wan mói tublán sê ne.

Basan batusan sê ney fé wan taba fessa, da óxi ka pasabasan batusan se akun balea, tadaxí se ye se soya jabá pé.

F I N

 


   

 

Fuente : " Cuentos Annoboneses de Guinea Ecuatorial" pag.(165) dentro de los cuentos en versiones en fá Ambu, cuyos Autores son:

Jacint Creus -  Mª. Antònia Brunat.